ओठ मोटाएको बिषयमा बोलिन् अनुष्का

बलिउड नायिका अनुष्का शर्माको ओठको बिषयलाई लिएर यतिबेला खुबै चर्चा चलिरहेको छ । अनुष्काको ओठमा केही परिवर्तन आएपछि विभिन्न खालका टिकाटिप्पणी पनि चलिरहेका छन् ।

अनुष्काले ओठको सर्जरी गराएको भन्दै संचारमाध्यम र सामाजिक संजालमा व्यापक चर्चा चलिरहेको छ । तर अनुष्काले यि सबै चर्चालाई विश्राम लगाउँदै आफूले ओठको सर्जरी नगरेको बताएकी छिन् ।

उनले आफू नयाँ चलचित्र ‘बम्बे वेलवेट’मा ७० को दशकको एक गायिकाको भूमिकामा देखिन लागेको जनाएकी छिन् । यही कुरालाई मध्य नजर राख्दै आफूले गेटअप पनि त्यस समयको बनाएको अनुष्काको तर्क छ ।

उनले मेकअपका कारण आफ्नो ओठ मोटो देखिएको समेत स्पष्ट पारेकी छिन् ।